हामी कहिले , कहाँ र कसरी ३६० डिग्रीका फोटो सङ्कलन गर्छौँ भन्नेबारेमा जानकारी प्राप्त गर्नुहोस्

स्थानहरूलाई सडक दृश्यमा देखाउनका लागि सर्वप्रथम हामीले ती स्थानका वरपर गाडी कुदाउँदै तस्बिरहरू खिच्नु पर्ने हुन्छ। हामी सकेसम्म उत्कृष्ट इमेजरी खिच्न सकिने समय र स्थान निर्धारण गर्न विभिन्न क्षेत्रका मौसम तथा जनघनत्वका साथै अन्य धेरै कारक तत्त्वहरूलाई नजिकबाट नियाल्छौँ।

हरेक छविलाई नक्सामा त्यसको भौगोलिक स्थानसँग मिलाउन हामी कारमा रहेको GPS, गति र दिशानिर्देशन मापन गर्ने सेन्सरहरूबाट प्राप्त सङ्केतहरूलाई संयोजन गर्छौँ। यस कार्यले हामीलाई कारको वास्तविक मार्ग पुनर्निर्माण गर्न र आवश्यकताअनुसार छविहरूलाई ढल्काउन र पङ्क्तिबद्ध गर्न मद्दत गर्छ।

३६० डिग्रीका तस्बिरहरूका बीचमा खाली ठाउँ देखिन नदिन निकटस्थ क्यामेराहरूले थोरै खप्टिएका तस्बिरहरू खिच्छन्, त्यसपछि हामी ती तस्बिरहरूलाई 'स्टिच गरेर' ३६० डिग्रीको सिङ्गो छवि बनाउँछौँ। त्यसपछि हामी "जोडेको ठाउँमा देखिने धर्साहरू" कम गर्न र उक्त ठाउँ चिल्लो पार्न छवि प्रशोधन गर्ने विशेष एल्गोरिदमहरू प्रयोग गर्छौँ।

कारका लेजरहरू वस्तुका सतहमा ठोक्किएर परावर्तन हुन कति समय लाग्छ भन्ने कुराले हामीलाई कुनै भवन वा वस्तु कति दूरीमा छ भन्ने जानकारी दिन्छ र यसले हामीलाई विश्वको 3D मोडेल बनाउन मद्दत गर्छ। तपाईं Street View मा हालको क्षेत्रबाट धेरै टाढाको क्षेत्रमा जानुभयो भने यो मोडेलले उक्त लोकेसनको सबैभन्दा उपयुक्त प्यानोरमा देखाउँछ।